شعر الهزلي . قصائد تموت ضحك للشاعر رياض الوادي

السلام عليكم هذا الشعر للفنان رياض الوادي الفاتحة يمنه واحد مات كلنه انمر نشوفه بيه شصار شوفوا المهزله كمت صحت بحيل اقروا الفاتحه ولا واحد قرا منهم وستحه واحد بصفي يهز بالمسبحه ثاري هاي الناس كلهه مكبسله شفت كل الجادر مطفي ويلوب كلت تعبانين اجو من الجنوب ثاري ياهو اليجي يدكوله حبوب ذوله اهل الجاي سووا بلبله انه ما ادري الخبر جابولي جاي النوب جابولي جكاره وكلاص ماي ورا نص ساعه ابد ماظلي راي دخت حسبالي انركعت بقنبله ثكل عندي لساني ميطلع جمل كمت ارجف كلي حسبالي شلل واحد ابصفي رجل شايب تفل كتله شني القصه كال اسكت حلل كمت انه ما سولف صحيح ردت اكومن خفت لا اوكع وطيح والمعزب كال انته مو مريح كتله افلت قابل انته مندله والحقيقه انه خفت ما كمت اشوف كرسي فارغ يمي حسبالي خروف ربع ساعه وكامت تهز الجتوف والزلم عالكاع كلهه مجطله شايب كبالي نهض لكن وكع ذب شفقته وكام يركصلي هجع كتله عيب استحي كلالي وجع لا تتدخل عابت الخلقه وبله واجه واحد شربو قوري وربع ربع ساعه واختلف عنده الوضع كال اهدي اغنيه حلوه للربع واطلب اغنية هلا ومية هله كلها بس اتباوع امطفيه الزلم ويمي حجي يكول شغلولي فلم كتله عيب استحي كلي انته انلصم موتتنه يبو الكذله القاتله __________________________________________ __________________________________________ قصيده ( الكهرباء) للشاعر رياض الوادي يارئيس الوزراء ر حمه للعباس سووي الكهرباء الكهرباء لعبت نفسي لوتطب الضهر عدنه اتشوفهه امجطله الوادم جنهه تبسي وعدي واحد من اخوتي لوتشوفهه اتكول من كد الحراره جنهه .......عبسي.... المشكله اني ببوي تدري بيه حجي جبير يعني كاعد الحجي خبلني الحقيقه.......كل ربع ساعه وسالني عل التقاعد. هاي زين شوف حاله اشلون من تطفه القوه... وهيه شرجي وواكفه وماكو مولد يعني من كد الحراره ا اتشوف حجينه التوه ووين اهل الرحم صاح ........ رحمه للعباس شغلولي الهوه. بعد ماصبر ثواني انه وامي وكل اخوتي انهفي كمنه بالصواني. المايهفي ايدكلهه تنكه.. ونه شغلي بطليتهه واشتغل للحجي بنكه.. وانته شوف اشلون عيشه... بس اروح اشويه غاد صاح حجينه بعد شو نقص ريشه .. .................................................. ................... وطاح متني من التهفي وطلع بعيوني حمار النوب فوك الضيم كله ايكول هذا الهوه حار. كتله قابل سبلت اني انته متشوف المصيبه كاعد انهفي بصواني شلون اشد بضهري حلفه ...وحط واتربم باذاني وراح احط سربس ابصدري......... واذا صار الهوه حار بصونده ورشولي ضهري

لا تبخلون بردكم علينة شكرا

الكتلوني كتب:. ونه شغلي بطليتهه واشتغل للحجي بنكه.. وانته شوف اشلون عيشه... بس اروح اشويه غاد صاح حجينه بعد شو نقص ريشه .. .................................................. ................... وطاح متني من التهفي وطلع بعيوني حمار النوب فوك الضيم كله ايكول هذا الهوه حار. كتله قابل سبلت اني انته متشوف المصيبه كاعد انهفي بصواني شلون اشد بضهري حلفه ...وحط واتربم باذاني وراح احط سربس ابصدري......... واذا صار الهوه حار بصونده ورشولي ضهري

خخخخخخخخخخخخخخخخخخخخخخ
حلو ووووووووووووووه

يسلموووووووووووو

حلوة قصيدة الهزل وخاصة الكهرباء

شكرا شكرا