منتدى لقاء الأحبة
عزيزي الزائر
نحن سعداء بزيارتك الى منتدى لقاء الأحبة
ونكون سعداء اكثر اذا قمت بالتسجيل والمشاركة معنا

شات للدردشة خاصة للأعضاء على الصفحة الرئيسية
يمكنك التحدث من خلالها مع اصدقاءك

يمكنك الدخول بنفس حساب الفيس بوك اذا كان متوفر لديك مرحبا بك

المواضيع الأخيرة
» كيف نقي أنفسنا من أشعة الشمس الضارّة فى فصل الصيف ؟
قصائد مميزة للشاعر عريان السيد خلف Emptyالإثنين يناير 06, 2014 9:53 pm من طرف بنت الرافـــــــدين

» أنآقـــه اللسآن
قصائد مميزة للشاعر عريان السيد خلف Emptyالإثنين يناير 06, 2014 9:38 pm من طرف بنت الرافـــــــدين

» أنآقـــه اللسآن
قصائد مميزة للشاعر عريان السيد خلف Emptyالإثنين أبريل 22, 2013 6:11 pm من طرف ليالي

» الحب تلك الكلمة المكونة من حرفين
قصائد مميزة للشاعر عريان السيد خلف Emptyالإثنين أبريل 22, 2013 6:08 pm من طرف ليالي

» الحب تلك الكلمة المكونة من حرفين
قصائد مميزة للشاعر عريان السيد خلف Emptyالإثنين أبريل 22, 2013 6:07 pm من طرف ليالي

» سجل حضورك اليومي بالصلاة على محمد وال محمد
قصائد مميزة للشاعر عريان السيد خلف Emptyالإثنين أبريل 22, 2013 6:04 pm من طرف ليالي

» إذا تركت فنجان قهوتك وعدت إليه بعد فترة، حتمًا سيبرد
قصائد مميزة للشاعر عريان السيد خلف Emptyالإثنين أبريل 01, 2013 1:57 pm من طرف safy elgndy

»  كل ماسكات التبيض للبشره والجسم
قصائد مميزة للشاعر عريان السيد خلف Emptyالأحد مارس 31, 2013 11:09 am من طرف safy elgndy

»  كل ماسكات التبيض للبشره والجسم
قصائد مميزة للشاعر عريان السيد خلف Emptyالأحد مارس 31, 2013 11:08 am من طرف safy elgndy

برامج تهمك
 

 

 

 

 

  

 

 

 

 

 

 
شات دردشة بابل

قصائد مميزة للشاعر عريان السيد خلف Love-048 "

 
غرفة دردشة >

مركز تحميل الصور والملفات


قصائد مميزة للشاعر عريان السيد خلف

اذهب الى الأسفل

default قصائد مميزة للشاعر عريان السيد خلف

مُساهمة من طرف علي في الخميس سبتمبر 18, 2008 9:35 pm

السلام عليكم ورحمة الله وبركاته

سنكتب هنا قصائد من الشعر الشعب العراقي

ونختار اولا قصيدة للشاعر العراقي عريان السيد خلف

عنوان اقصيدة

ياغريب اذكر هلك



يا غريب اذكر اهلك - والكَالها


.. ابحجية ايتنكّت


هيّج اجروح الكَلب .. والعين ..


كت مهضوم .. كتت


ذكروّها .. واعادة اليذكر يحن ..


والروح .. لاهل الروح حنّت


ونتّ .. اوماظن مثل ونها .. الصخر


.. خنساه ونّت


صبّرتها .. اوكابرت عالظيم .. والكابر


.. يظل بسكوت .. ينهت


طاحت ، اوفوك الفشل .. بمصابها


الشامت .. تشمت


شلون ذلت .... ؟


اخ ياروحي .. الكّبل جانت عزيزة


شلون ذلت .. ؟.


ملت امن اونينها .. او عذّالها


امن اللوم ملّت


واصبحت .. مثل الرشة المتروك


من يشله .. جليبة


اوحنت .. اوعاداة المحبين ..


لو حن المحب .. يطلب حبيبه يالتريدين


الولف .. ولف الجفاج .. امنين اجيبه


كافي غيبه .. كافي .. جلمات العتب


عالناس .. ياروحي الغريبة


يالمثل دلّه استوت بوجاغ ما يخمد لهيبه ..


يالتظنين .. ابعظم بلواج .. ما صارت مصيبه


هذا سهمج .. والسهم لوعات


والخانه الوكت يرضه بنصيبه


او هذا طبع الناس .. بيهم بلاوفه


اوبيهم وفي .. اتجيبه الحليبه


وانتي لا جف الينشف العين .. لا دار


الولف .. يمج جريبه


يالحسرتج . حسرة المجبود .. وادموعج


تبدّت


يالعلى اجروحج .. اعز الناس ..


من شافج ، تشمت


يالتظنين الشمل .. يلتم ..


شمل عزّج .. تشتت


_________________
لا ساءَلَتْنا الصَّواري أين وِجْهتُنا
ولا سألنا الصّواري عن مَراسيها!
فما لنا الآن عن بُعدٍ مَرافئُنا تبكي،
وأنهارُنا غرقى شواطيها؟

[b]
علي
علي
Admin

علم الدولة : العراق
قصائد مميزة للشاعر عريان السيد خلف 2110

قصائد مميزة للشاعر عريان السيد خلف Tag10
ذكر عدد الرسائل : 410
السٌّمعَة : 175
نقاط : 43645
تاريخ التسجيل : 29/04/2008

الرجوع الى أعلى الصفحة اذهب الى الأسفل

default رد: قصائد مميزة للشاعر عريان السيد خلف

مُساهمة من طرف سحر الجابري في الإثنين سبتمبر 22, 2008 8:09 pm

كلمات رائعة ياعلي والذي نقلها لنا ذوقه اروع
لذلك سوف اجيبك عزيزي بقصيدة اخرى للشاعر عريان السيد خلف
ارجو ان يكون اختياري للقصيدة موفق
عنوان القصيدة هو:
*****
وحشة ليل
****
غير حبك يابعد ولفك شريد
عايش بروحي واشوفنك بعيد؟
تنتهي الدنيه
زيظل حبك جديد
وشوفتك
طلعت بدر يوم التمام
سلمت وانت ما رديت السلام
بهيدة يانسمه
ويه خصلات الحرير
ايطير كلبي ويه الشعر لمن يطير
كلي لو تجبر خواطرنا شيصير
وعالطواري عيوني التسهر ..تنام
بكلبي وحشة ليل
وعيونك نهار
وروحي جدبة وضاكت بحبك خضار
وبسمتك
فرحة بوجه كل الزغار
ويلي انه اويلي الهوى اويلي الملام
روحي صفصافة وعلى شاطي الوصال
تنتظر جيتك يهل المبعد تعال
حته لو غي الليالي يزوك عيونك دلال
انه كطرة ماي اصير
وموتي بجفوفك حلال
حبيبي الدنيا فضية
وروحي مضنوكة مرار
وشوكك شكد كاصي بيه
ساعة بارد ساعة حار
ياهنه وياشوك روحي
ياعزيزي ويا مزار
يطفح بجفني حنيني
ومن حنيني عليك اغار

سحر الجابري
عضو نشط
عضو نشط

انثى عدد الرسائل : 14
العمر : 46
السٌّمعَة : 20
نقاط : 40676
تاريخ التسجيل : 14/08/2008

الرجوع الى أعلى الصفحة اذهب الى الأسفل

default رد: قصائد مميزة للشاعر عريان السيد خلف

مُساهمة من طرف الحكم الزعيم في السبت سبتمبر 27, 2008 8:00 pm

شكرا على الكلمات الرائعه
الحكم الزعيم
الحكم الزعيم
مشرف
مشرف

علم الدولة : العراق
قصائد مميزة للشاعر عريان السيد خلف 2v1kkk10




قصائد مميزة للشاعر عريان السيد خلف Ebda4e12
ذكر عدد الرسائل : 511
العمر : 31
السٌّمعَة : 57
نقاط : 44782
تاريخ التسجيل : 05/06/2008

ملاحظات
1: 1

الرجوع الى أعلى الصفحة اذهب الى الأسفل

default رد: قصائد مميزة للشاعر عريان السيد خلف

مُساهمة من طرف علي في الأحد سبتمبر 28, 2008 10:53 pm

الغالية سحر

ان لمروركك عطر الياسمين

ولذوقك في الاختيار وقع خاص ومميز

وهذه قصيدة اخرى للشاعر



اخذني وياك



جملني بعد كطره .. وخذني وياك



هناك .. الفيض كلبك ..

حتى روحي تنام

عصفورة جرف .. بلل جنحها الكيض

اخذني وياك

امشي ابغير واهس ..

والطواري كصار

وعيوني غرب .. وجفوف اديه اوداع

واسمي .. ابغير معنى ..

وميل كحلك غاب

وتنشدني اعله كلبي!

كلبي حب وذاب

ياكلبي حلك تنور .. لو سرداب ؟

صوغني .. ولو من ليلكم نجمه ..

تبات وياي

ومن تشبع سهر ..

ويجيسها الوهواس

اطفيها ابصبح ..
والغبشه رشكه ماي

واشعلني ولع ..

يدوي العطش بالعود

حتى انزع جلد روحي ..

وارد لصباي

أملني الفرح بسمك .. ورد عالباب

فاحت ريحته .. ولنك بعد ماجاي

بعد ماجاي!!

من ياصوت أصيحك ؟

والصدى ايجاريك

واكلك : مكدرت .. يالتكدر ابلياي



_________________
لا ساءَلَتْنا الصَّواري أين وِجْهتُنا
ولا سألنا الصّواري عن مَراسيها!
فما لنا الآن عن بُعدٍ مَرافئُنا تبكي،
وأنهارُنا غرقى شواطيها؟

[b]
علي
علي
Admin

علم الدولة : العراق
قصائد مميزة للشاعر عريان السيد خلف 2110

قصائد مميزة للشاعر عريان السيد خلف Tag10
ذكر عدد الرسائل : 410
السٌّمعَة : 175
نقاط : 43645
تاريخ التسجيل : 29/04/2008

الرجوع الى أعلى الصفحة اذهب الى الأسفل

default رد: قصائد مميزة للشاعر عريان السيد خلف

مُساهمة من طرف سارة في الإثنين سبتمبر 29, 2008 10:52 pm


مميز جدا والكلام الرائع تسلم اناملك
واني احب اشعار

عريان السيد خلف مميز

وهاي هم قصيدة اله

تل الورد )
قصيدة للشاعر العراقي / عريان السيد خلف

ـــــــــــــــ

عاتبني ابعتابك خل ترد روحي

اوهسني . . ابدلالك . . ياشتل شمام

حتى ازهك . . وشوفك وينها اجروحي

بيه اشبع غرورك . .

يا أعز جتال

يتمايل غنج لو بيه . . ثكل نوحي

تعاتبني اعله حالك . .

صار بيك الصار

جاشدل اجروحك هاي وشتوحي

كبل حبك . . جبل مالاح طرفي السيل

هسه اول زخاخ

ايغطن سفوحي !

ومنك ماروت يدعج بعد روحي

ولا رادت . . ولاسمعت . . ولاحبت

لاتحمل .. نجاة .. ابليل لوغنت

اعلمها الورع . . واطبك عليها الباب

تذكر ضحكتك . . واجهرت ماعنت

لا لامتك ليش . . وشوفك اصبح طيف

اشلون ابعدت عنها . .

اشلون ماجنت !

وعيونك ابغير عيونها اتهنت

وجفوفك ابغير اجروحها اتحنت

يا تل الورد . . تل آخر السباح

حته اطفه . . من اشوف ارويحتي انتلت

كلت انجفه الماي . .

وذبل عود الياس

والوادم نست

وبغيرنه اتسلت

وأول ما شفت طولك نسيت الصوت

وروحي بلاسبب بجفوفك افتلت

يا قمرة حياتي البعد ما هلت . .

يا انت . . وكفاني اتوهدنت وياك

تحسبني . . وحسبتي وياك ما فلت

كلمن عرف وشره . . وشال منها الشال

وتعده العمر والوادم اندلت

هسه الراح راح . . وبين ايديك الروح

بس ذمه ابركبتك يوم لو سلت

000000000000000
الشاعر : عريان السيد خلف

ولد في قلعة سكر على ضفاف الغراف .

بدأ النشر مطلع الستينات .

اصدر اكثر من ستة مجاميع شعرية . الكمر والديرة - كبل ليله - أوراق ومواسم - شفاعات الوجد - صياد الهموم - تل الورد .

عمل في الصحافة العراقيه وفي الاذاعة والتلفزيون .

منح وسام اليرموك من جامعه اليرموك في الأردن .

حاصل على شهادة دبلوم صحافه .

عضو نقابة الصحفيين العراقيين واتحاد الصحفيين العرب ومنظمة الصحافة العالمية .

عضو جمعية الشعراء الشعبيين .

يكتب الشعر بأنواعه في اللهجة الشعبية العراقيه والفصحى .
سارة
سارة
مشرفة
مشرفة

انثى عدد الرسائل : 126
السٌّمعَة : 10
نقاط : 41301
تاريخ التسجيل : 03/06/2008

الرجوع الى أعلى الصفحة اذهب الى الأسفل

default رد: قصائد مميزة للشاعر عريان السيد خلف

مُساهمة من طرف بنت الرافـــــــدين في الأربعاء ديسمبر 24, 2008 12:21 am

السلام عليكم
فكره جميله والاجمل مانقلتوه وأحب اشاركم بقصيده للشاعر عريان السيد خلف


حني حني



اشويه ياعين الخشف .. خزرات
المعاتب .. جوني
من كثر ما لوع .. حتى اهلي ..
اصبحت جزعانه مني
رافكَتني الونه .. والحسرات
من بطن الحملني
او هذا عمري .. امكَالب اويَه الضيم
ما مر الضحج .. مرة اعله
سنّي
او هذا حجي الناس .. اون من لوعتي
او كَالوا يغني
فتَّر اعيونك .. تره اعيونك كَصن
بسنين عمري او ذوبني
آنه احب منهن .. نبل مغتاض ..
خلهن يوجعنّي
ذابل .. اوكَاصي العطش وياي
جا هلبت رونّي .. ؟!
انسه حزنك .. لا يحن حزني ..
او على اعناد الحزن ..
يا زين .. اغنّي
حتى اصيحن : يا حسرتي اتباعدي
او يا بسمتي الضاعت تدنّي
آخ مني او آخ من روحي الكَت
هذا العمر بس بالتمني
وسرت بيها او صحت : يا روح
هدوة ليل ، عنّي
آنه .. موش اول هرش . داسن
بسبّاحي .. اولوني
آنه .. مثل الناس .. لِكزني ابرمح
بوك ، اوجفني
ضيعن دمي .. ولا جنهن الجاتل ..
وانكرنّي ... !!
يالتلجين اعله شوف السود ..
بس اكَفن .. نسني
ثكّلّن حمل البعد .. وآنه الرجيج ..
اوكلفني
ذوبي من نار الجفة .. او بدموعج
اليجرن تهني
اوعني .. خليني استجن .. يمعذبه
.. اشتردين مني .. ؟
او هذا عمري مكَالب اويه الضيم
.. ما مر الضحج .. مرة
اعله سني
اوهذا حجي الناس .. اون
من لوعتي .. اوكَالوا :
يغني

_________________
قصائد مميزة للشاعر عريان السيد خلف Get-7-10
بنت الرافـــــــدين
بنت الرافـــــــدين
نائب المدير
نائب المدير

علم الدولة : العراق

قصائد مميزة للشاعر عريان السيد خلف Images11

قصائد مميزة للشاعر عريان السيد خلف Wafaa10
انثى عدد الرسائل : 456
السٌّمعَة : 444
نقاط : 44567
تاريخ التسجيل : 30/04/2008

ملاحظات
1: الفائز بمسابقة رمضان 2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى