علــــي الفريداوي

امـــس واني اكلــــب بالجروح الغافـــيه من العااااام



النايــــمه من العـــاااااام



فـــز بيناتهم جرحـــك


وبلايه وعــــي

اتبلتت عيني دموع

وبلايه وعي


من الضيم كمت اضحك


لغز جامع ضحك ودموع يصعب على البشر شرحــــــك



وشريط الذكريات براسي كام يدور


ونوارس ذكرياتك فوكنا افترت


واشتاكيتلك جن امس متحاجين


مو جنها سنه المرت


وابسطت ذكرياتك مرت على البال


واذكرت كلشي الجان يجمعنا

من جنه نسولف

بالعيون اشكال

وتخاف عيونه الحيطان تسمعنه



من جنه بوزن ريشه بمهب الريح


ويسلطن الواهس فوك يرفعنــــه

واني وصفتني وهمي

واتمنيت لو هسي تجي يمي

وتكعد تمتحني


بكل شبر عنـــك


اذكر كلشي كلته

وكلشي ما مكيول واذكر لو حرف سهوا وكع منـــــــك


مشتاق لضحكتك ذيج كلما اصفن اذكرها


واكول لدمعه ......


لتنزلين بلكوومه اصبرها

ابجي من اذكر الضحكه ..... ينزل دمعي اللي يجوي
ضحكتك نزلت دمعي

دمعتــــــك بيه شتسوي

لسماعها بصوت الشاعر اضغط على الرابط

http://www.4shared.com/audio/ZdKZcfAl/___online.html