قصيدة لرحيم المالكي (رحمة اللة)

تريـد أكتب غزل وانساها الهموم واّنـــه ويلغزل نافـــض كــــوامه شكتب يا غزل واتغزل ابيــــــش يخي خلـها ســـكته بلا ملامـــه انا شاعر حقيقي واملك احساس اترف مــــن جنح اتـــرف حمامه ويهزني الجمال الحيل ممــــلوح واطرب لو شفت بـعض الوسامه واسكر وانتشي بنــظرات العيون وتسحرني الشفايـــف بابتسامه لكن وادري لكن سبب بلــــــواي المثلي واجب يسحـــب كلامــــه خصام ويه المره من قبل عشرين فشك وسلاح يومـــيه انترامـــه مااكتب غزل صدكوني معــــــذور شما اطب البيتنا تقوم القيـــــامه متزوج ارهــابي ولابس احــــــزام بس يزعل عـــــليه ينسف حزامه انا محتاج خطه امن للبـــــــــيت تطب لبيتنا وتنــــزع الغامـــــــــه حتى اكتب شعر من صدك مرتاح واوزع هاتفي وانشر ارقامــــــه لان موبايلي يوميه تفتيــــــــــش تشوفه عيون زرقاء اليمامــــــه